三鐵家庭之不正常

話說3鐵媽媽同隔離床位大叔約左今朝游早水。
鐵媽:要起身啦，我今日好趕，10點要去中大聽講座。
大叔:起緊，動作慢啲啫😐
鐵媽:(遲出門搞到仲趕，不歡而散啦)好趕，你可唔可以車我去呀?
大叔:唔得呀，一陣要車亞喆去比賽。你趕就唔好游啦😪
鐵媽:唔會囉，我日日都係咁趕，趕就唔使游，即係日日都唔使練啦🤨
講下講下，原來大叔有個3鐵大仔今朝晨間出動練車，大叔起身煮麵。佢仲有個3鐵細仔中午要車佢去游水比賽。
佢仲有個3鐵老婆，又要陪晨游，又要動作快，想點呀?!(大叔個❤一定係咁諗)
各位觀眾，有請真正既3鐵家族掌門人，3鐵爸爸劉生。
#做3鐵家庭掌門人巧攰 #3鐵家族日事多

兩代物資不能一樣

撐住先

我地其中一個親子活動就係上網選購鐵人物資……
鐵哥:媽媽，買黑色好定白色靚啲?
鐵媽:白色啦，黑色成個大叔咁。
鐵哥:你地要唔要呀?
鐵媽:我唔要啦，你問爸爸啦?
(爸爸喺房)
鐵哥:(大叫)爸爸你要唔要買單車襪?
鐵爸:(大叫)好呀!
鐵哥:(繼續大叫)要乜色呀?
鐵爸:黑色呀
Wakakakaka😂😂😂😂
鐵哥:嘩，好彩我無揀黑色。
鐵爸:(突然又叫)有乜色揀呀?
鐵哥:無呀，得黑色咋。
Wakakakaka😂😂😂😂
鐵哥:我係唔會比爸爸同我一樣架😁
你又會揀乜色?😄
#小心選購 #顏色事小 #一樣事大
#3鐵家庭事更多 #蒙在鼓裏

3鐵媽:唉……3鐵爸，你果時喺體院讀個教練牌差實習臨門一腳就攞到牌，你又唔實習埋。
3鐵弟:係啦，爸爸你真係呀……嘥哂!
3鐵爸:(撐住)都無嘥既，學到既野而家都有幫助。
3鐵哥:極其量只係幫到你容入我地既話題
😱😱😱😱😱
3鐵弟:哦……原來呢個係一個親子課程。
可以拉近同子女關係。
3鐵媽:以後我報課程你唔好再問我回唔回到本囉😏
#ironmama #ironfamily #搏咀家庭

一致的表情

昨天有朋友問:你成日出左去訓練，你啲仔唔會投訴你既咩?
我答:唔會，基本上我地一家人每日在不同時間，地點都各自進行訓練。
今朝同大仔一齊出門，佢去九龍仔習泳，我去將軍澳獨泳。
今晚佢去大埔練跑，喆喆去習泳，爸爸去獨泳，我就去教TLS。全家都好忙。
但我地成家好有默契，一影相，只要數:123 Gary Sir 我地poses就好一致。
閒時會鬥大隻，睇下邊個哂得最靚😎🏆
明既比❤❤
唔明就like😝
#3鐵家庭 #優質親子時光 #街跑媽媽